"Восеньскі кірмаш"
На Беларусі с пакон часоў лічылася добрай традыцыяй ладзіць народныя гулянні. Кірмашы зарадзіліся з спрадвечных часоў. Яны не проста прыжыліся, але і сталі традыцыямі. Як бы ні заканчваліся кірмашы, людзі заўсёды вярталіся не з пустымі рукамі, а абявязкова з гасцінцамі і, вядома ж, з добрым настроем. Восень- самая багатая пара года, шчодрая на ўраджай.
У нашым дзіцячым садзе для дзяцей старэйшага дашкольнага ўзросту прайшлі вясёлыя ранішнікі "Восеньскія кірмашы". Для ўсёй дашкольнай установы гэтыя дні сталі сапраўдным святам. А што такое свята? Вядома ж, гэта станоўчыя эмоцыі. Выхаванцы пагрузіліся ў атмасферу беларускага гароднага гуляння з яго звычаямі і традыцыямі. Уся падрыхтоўка святаў суправаджалася непасрэдным уключэннем у выхаваўчую дзейнасць і рэжымныя моманты элементаў народнай творчасці: знаёмства з асаблівасцямі беларускага народнага касцюма, побыту, традыцыйнымі, рамёствамі беларускага нарада.
На занятках дзеці знаёміліся з малымі формамі вуснай народнай творчасці (загадкамі, пацешкамі, гульнямі, карагодамі). Была праведзена вялікая папярэдняя праца і аб'яўлены конкурс на лепшы восеньскі выраб з гародніны і прыроднага матэрыялу.
"Восеньскі кірмаш" прайшоў вельмі весела і ажыўлена, з азартам і пазітыўнымі эмоцыямі. Цікавасць да дадзенага мерапрыемства перасягнула ўсе магчымыя чаканні.
Выхавальнік дашкольнай адукацыі Шановіч Ганна Мікалаеўна
